Экологик иминлекне ныгыту һәм халыкның яшәү шартларын яхшырту мәсьәләләре турында Петербургта фикер алышачаклар
Су ресурсларын чистарту һәм рациональ файдалану, җитештерү калдыклары белән идарә итү буенча инновацион технологияләр, табигый байлыкларны саклау буенча эшчәнлек – “Зур шәһәр экологиясе” XVII Халыкара форумында шул һәм башка мәсьәләләр турында фикер алышачаклар. Мероприятие 2017 елның 5-7 апрелендә Санкт-Петербургта “ЭкспоФорум” конгресс-күргәзмә үзәгендә узачак. Форум Санкт-Петербург Табигатьтән файдалану, әйләнә-тирә мохитне саклау һәм экологик иминлекне тәэмин итү комитеты, Ленинград өлкәсе хөкүмәте һәм РФ Сәүдә-сәнәгать палатасы ярдәме һәм катнашы белән оештырыла.
Форумның төп бүлекләре:
- Экологик инновацияләр
- Экологик мәгърифәт
- Территорияләрне һәм су объектларын экологик торгызу
- Экологик мониторнг. Лаборатор тикшеренүләр
- Табигать саклау эшчәнлеген мәгълүмати тәэмин итү
“Зур шәһәр экологиясе” форумының төп максаты – табигый байлыкларны саклауга, экологик иминлекне ныгытуга һәм эре шәһәрләрдә халыкның яшәү шартларын яхшыртуга ярдәм итә торган инновацион табигать саклау җиһазларын һәм технологияләрен Россиядә кертү һәм күтәрү.
ТР ЭТБМ матбугат хезмәте