Бурятиядә “Ультрамафит-мафит комплекслары: геология, төзелеше, руда потенциалы” Халыкара конференциясе узачак.

Геохимия, минералогия и петрология интрузив комплекслары һәм алар белән бәйле файдалы казылмалар өлкәсендәге хәзерге мәсьәләләр турында “Ультрамафит-мафит комплекслары: геология, төзелеше, руда потенциалы” V Халыкара конференциясендә фикер алышачаклар. Мероприятие 2017 елның 2-6 сентябрендә Бурятия Республикасының Байкал буе районы Гремячинск бистәсендә “Байкальская ривьера” отелендә булачак. Оештыручылары - РФА СБ Геология институты, М.В.Ломоносов исемендәге Мәскәү дәүләт университетының Геология факультеты һәм Бурятия дәүләт университеты. Конференция форматы генетика мәсьәләләренең киң даирәсе турында фикер алышуны, геологик күзәтүләр мәгълүматлары, эксперименталь һәм теоретик эзләнүләр нәтиҗәләре белән актив уртаклашуны  күздә тота.

        Конференция темалары:

• Ультрамафит-мафит комплексларының геологиясе, тектоник позициясе һәм аларны геодинамик интерпретацияләү.
• Ультрамафит-мафит комплекслар петрологиясе, геохимиясе һәм барлыкка килү шартлары, рудалашу урыннарын фаразлау.
• Ультрамафит-мафит комплексларының изотоп геохимиясе һәм аны аңлату.
• Ультрамафит-мафит комплекслары һәм иярчен рудалашу белән бәйле метаморфик, гидротермаль, метасоматик и гиперген процесслар.
• Мафит-ультрамафит магмаларын дифференциацияләүнең физик-химик эксперименты һәм теоретик модельләштерү.
• Ультрамафит-мафит комплекслар белән бәйле чыганаклар һәм руда күренешләре, руда геохимиясе һәм минералогия.
• Ультрамафит-мафит комплексларында руда концентрацияләре табигате һәм аларның петрогенезис, мантия чыганаклары һәм флюидлар режимы белән бәйләнеше.
• Ультрамафит-мафит комплексларының рудалы булмаган файдалы казылмалары, барлыкка килү һәм туплану шартлары.
• Ультрамафит-мафит комплексларының минерал чималын эшкәртү ысуллары.
• Ультрамафит-мафит комплекслары минералларының, токымнары һәм рудаларының матдә составын өйрәнү ысуллары.

Конференция кысаларында “Ультрамафит-мафит массивларның катламнары формалашу һәм рудалы минераллашу механизмнары” мәктәп-семинарын уздыру планлаштырыла.

ТР ЭТБМ матбугат хезмәте