Балалар иҗат коллективларын экофестивальдә катнашырга чакыралар

Казанда иҗади “Аллы-гөлле сәхнә” III Республика экологик фестиваль-конкурсы үткәреләчәк, ул Халыкара Театр көненә һәм Халыкара Җир көненә багышлана. Мероприятие 2017 елның 21-22 апрелендә 15.00 сәгатьтә Шәһәр балалар экология-биология үзәге сәхнәсендә узачак.

Фестивальдә катнашу өчен Татарстан Республикасы балаларга белем бирү һәм мәдәният оешмаларының башкаручылары һәм иҗат коллективлары чакырыла. Конкурс программасында катнашучыларның яше 6дан 18гә кадәр чикләнә, алар 3 төркемгә бүленә:

• Кече яшьтәгеләр төркеме - 6 - 9 яшьлекләр,
• Урта төркем –10-13 яшьлекләр,
• Өлкән төркем - 14 -18 яшьлекләр.

Мероприятиенең конкурс программасы түбәндәге номинацияләр буенча узачак:

• “Экологик спектакльләр” (дәвамлылыгы чикләнмәгән),
• “Экологик агитбригадалар” (15 минутка кадәр),
• “Нәфис сүз” (5 минутка кадәр),
• «Вокал-соло» (5 минутка кадәр),
• «Вокал-ансамбль» (5 минутка кадәр),
• «Хореография» (5 минутка кадәр),
• «Композицияләр» (10 минутка кадәр, жанры чикләнмәгән).

Конкурста  катнашу өчен заявканы (видеоязмалы диск кушымтасы белән) оештыру комитетына түбәндәге адрес белән бирергә кирәк: 420061, Казан ш., Космонавтлар ур., 57, Шәһәр балалар экология-биология үзәге, почта буенча яки e-mail буенча: gdebcorg@yandex.ru