Җир турындагы фәннәрдә яңа идеяләр” фәнни-гамәли конференциясендә геология һәм җир асты байлыкларыннан файдалану өлкәсендәге хәзерге технологияләр турында фикер алышачаклар.
Файдалы каты казылмалар чыганакларын эшкәртү, скважиналар бораулау технологияләре һәм техникалары, геологик процесслар. “Җир турындагы фәннәрдә яңа идеяләр” XIII Халыкара фәнни-гамәли конференциясендә шушы һәм башка күп темалар буенча фикер алышачаклар. Мероприятиене 2017 елның 5-7нче апрелендә Серго Орджоникидзе ис. Россия дәүләт геологик эзләүләр университеты үткәрә. Конференция программасы буенча эшнең беренче көнендә пленар утырыш үткәрү күздә тотыла, калган көннәрдә – секцияләрдә эш, Минералогия һәм Палеонтология музейларына бару.
Конференциянең фәнни секцияләре:
- Геологик процесслар, стратиграфия, тектоника һәм геодинамика секциясе;
- Утырма бассейннары һәм күмер, нефть һәм газ проблемалары секциясе;
- Минералогия, петрография һәм геохимия секциясе;
- Геммология секциясе;
- Геология, файдалы каты казылмаларны эзләү, минерагения секциясе;
- Эзләү геофизикасы һәм геоинформатика секциясе;
- Файдалы каты казылмалар чыганакларын эшкәртү һәм маркшейдер эше секциясе;
- Геотехнологияләр, экология, диңгездәге файдалы казылма чыганакларын комплекслы үзләштерү секциясе;
- Механика, механизация һәм энергетика секциясе;
- Тау-эзләү эше, гидравлика һәм гидрофизик процесслар секциясе;
- Скважиналар бораулау технологиясе һәм техникасы секциясе;
- Геоэтика, геоэкология һәм әйләнә-тирә мохитне саклау секциясе;
- Гидрогеология, инженерлык геологиясе һәм геокриология секциясе;
- Табигатьтән файдалану икътисады, идарәсе һәм хокукый нигезләре секциясе;
- Фәлсәфи һәм социаль-сәяси проблемалар секциясе;
- Санлы алымнар һәм математик модельләштерү секциясе;
- Һөнәри белем бирүне камилләштерү проблемалары секциясе;
- Руда барлыкка китерүче табигый флюидларның физик химиясе секциясе;
- Этнолингвистиканың хәзерге мәсьәләләре секциясе.
Тулырак мәгълүмат Россия дәүләт геологик эзләүләр университеты рәсми сайтында: http://mgri-rggru.ru.
ТР ЭТБМ матбугат хезмәте