Бөгелмәдә яшь экологлар слеты узды. С.Ф.Морозов исемендәге ХI ачык Республика тикшеренү эшләре конференциясе бөтен Татарстаннан укучылар җыйды
Бөгелмәдә С.Ф.Морозов исемендәге ХI ачык Республика тикшеренү эшләре конференциясе булды. Иң яхшы ЭКОпроектларның авторлары – Татарстан Республикасы гомуми белем бирү оешмаларының 2-5 сыйныфлары укучылары – конкурс комиссиясенә үз эшләрен тәкъдим иттеләр. Жюри составына Татарстан Республикасы Экология һәм табигый байлыклар министрлыгының Көньяк-Көнчыгыш территориаль идарәсе белгечләре керде. Конференция түбәндәге секцияләр буенча үтте:
- “Экология”
- “Экологик проектлар”
- “Эко-мода”
Казан, Әлмәт, Яр Чаллы шәһәрләре, Бөгелмә, Чирмешән, Баулы, Ютазы муниципаль районнары мәктәп укучылары актив катнашты. Иң яхшы эшләр дипломнар белән билгеләнде.
Мероприятие республиканың үсеп килүче буынында экологик белем тарату, табигый байлыкларга һәм тирә-як мохиткә җаваплы мөнәсәбәт тәрбияләү, дөньяга экологик караш формалаштыру максаты белән үткәрелә.
ТР ЭТБМ матбугат хезмәте