“Өчочколык” – хәлиткеч. Уен нәтиҗәсен соңгы секунд билгеләде.

Бүген “Төзүче” спорт комплексында каты көрәш җәелде. Анда Татарстан Республикасының дәүләт хезмәткәрләре Спартакиадасы кысаларында баскетбол буенча ярышлар узды. Беренче уенда табигать сакчылары – Ростабигать күзәтчелегенң Татарстан идарәсе һәм республиканың Экология министрлыгы очрашты. Командалар Ростабигать күзәтчелеге файдасына 10:12 исәбе белән озак һәм каты көрәштеләр. Соңгы секундта Экология министрлыгы уенчысы “өчочколык” кертте – шуның белән, коллегаларыннан җиңүне туры мәгънәсендә “тартып алып”, бу уенга нокта куйды. Алдагысы – ТР Хезмәт, халыкны эш белән тәэмин итү һәм социаль яклау министрлыгы белән. Уен 21:5 исәбе белән ТР Экология министрлыгы файдасына тәмамланды.

Татарстан Республикасы Экология һәм табигать министрлыгы командасы группада беренче урын яулады һәм 1/8 финалга чыкты. Төшеп калуга уеннар 17нче декабрьдә узачак.

ТР ЭТБМ Матбугат үзәге