Ялтада «Җир асты байлыкларыннан рациональ һәм куркынычсыз файдалану» бөтенроссия фәнни-гамәли конференциясе бара
26 сентябрьдән 1 октябрьгә кадәр Ялтада “Җир асты байлыкларыннан рациональ һәм куркынычсыз файдалану” бөтенроссия фәнни-гамәли конференциясе үткәрелә, анда индустриаль куркынычсызлык, маркшейдерлык һәм геология эшләрен башкару, файдалы казылма яткылыкларын эшкәртү мәсьәләләре тикшерелә. Конференциядә Татарстан экология һәм табигый байлыклар министрының җир асты байлыкларыннан файдалану буенча урынбасары Радик Гайнетдинов, табигый ресурслар блогы министрлыклары һәм тармаклары, таучылык һәм нефть-газ чыгару, фән, проектлау һәм укыту оешмалары җитәкчеләре катнаша:
Конференция программасында:
– Россия һәм чит илләр тәҗрибәсе нигезендә индустриаль куркынычсызлык, геология, маркшейдерлык-геодезия һәм җир төзү эшләре өлкәсендә эш һәм хезмәт күрсәтү сыйфаты белән идарә итү системаларын үстерү;
– минераль чимал ресурсларын үзләштергәндә җир асты байлыклары һәм индустриаль куркынычсызлык турындагы законнар таләпләрен тормышка ашыру:
– геология, маркшейдерлык-геодезия һәм җир төзү эшләренең алдынгы технологияләре, иң яңа приборлар, җиһазлар һәм программалар куллану буенча тәҗрибә уртаклашу;
– Россиянең экономик куркынычсызлыгын тәэмин итүдә минераль ресурсларны куркынычсыз һәм рациональ куллануның һәм җир асты байлыкларын саклауның роле һәм әһәмияте.
ТР ЭТБМ матбугат хезмәте