Әлмәт районында, “Кояшлы” һәм “Дуслык” балалар савыктыру лагерьларында Яшь геологларның II ачык кыр олимпиадасы башланды. Ул 17 июльгә кадәр барачак. Олимпиадада Татарстаннан 5 команда, Кырым Республикасы Бакчасарай районы командасы һәм Казахстаннан Усть-Каменогорск командасы катнаша. Профильле смена кысаларында яшь геологларны кыр тукталышын оештыру нигезләренә, шлих сынауларына, нефть геологиясе нигезләренә өйрәтү һәм башкалар каралган. Балаларны шулай ук минералогия, палеонтология, радиометрия ярышлары һәм конкурслары, төрле мәдәни чаралар көтә.
Министрлыкның матбугат хезмәте