Казанда «Россия шәһәрләре берлеге» фестивале үткәрелде

Казанның 399нчы балалар бакчасында, “Эко-мәктәп / Яшел флаг” халыкара программа­сы кысаларында, “Россия шәһәрләре берлеге” бөтенроссия фестивале үткәрелде. Чарада Санкт-Петербургның Мәгариф комитеты каршындагы Мәгариф политикасы советы эксперты Светлана Марчук, Санкт-Петербург педагогик постдиплом белеме академиясе­нең әйләнә-тирәлек педагогикасы, кеше куркынычсызлыгы һәм саулыгы кафедрасының өлкән укытучысы Татьяна Шиленок, Татарстан Экология һәм табигый байлыклар мини­стрлыгының Үзәк территориаль идарәсенең хәбәр чаралары белән эшләү бүлеге башлыгы Анна Гущина катнашты.

Фестиваль кысаларында түбәндәге темаларга докладлар тыңланды:

– “Логопедик шөгыльләрдә экологик тәрбия”;

– “Балаларга экологик тәрбия бирүдә уеннар куллануның теоретик алшартлары”;

– “Мәктәпкәчә балаларга экологик тәрбия бирүнең социаль-экономик шартларына анализ. Проблемалар һәм чишелеш юллары”;

– “Хәзерге заманда мәктәпкәчә оешмаларда балаларга экологик белем бирүнең кыйм­мәт ориентирлары” һәм башкалар.

Чара азагында фестивальдә катнашучылар бакча ишегалдында аллея утыртты.

Министрлыкның матбугат хезмәте