«Кара казучылар» төнлә ком чыгарган
8 май көнне кичке сәгать 7дә Татарстан Экология һәм табигый байлыклар министрлыгының кайнар телефонына Питрәч районы Тугаш авылы янында законсыз ком чыгарылу турында хәбәр керде. Дәүләти экологик күзәтчелек инспекциясе һәм Үзәк территориаль идарә белгечләре, РФ МВДның Питрәч район бүлеге хезмәткәрләре шул урынга барып, законсыз карьер казу фактын раслады. Шул урында экскаватор һәм үзбушаткыч тоткарланып, район полиция бүлеге стоянкасына китерелде. РФ КоАП 7.3 ст. 1 ө. (“Җир асты байлыкларын лицензиясез куллану”) буенча административ беркетмә төзелде. Экологлар, алдан-ала исәпләү буенча, табигатькә 8 миллион сумнан артык зыян салынган дип саный. Аеруча зур күләмдә урлашкан өчен РФ Җинаять кодексының 158 статьясы буенча хөкем күздә тотыла.
Министрлыкның матбугат хезмәте