Казанда 2016 елгы «Парклар маршы»ның шәһәр этабы бара

Казанның Балалар экология-биология үзәгендә 1-16 май көннәрендә 2016 елгы халыкара “Парклар маршы” табигать саклау акциясенең шәһәр этабы үткәрелә, анда катнашуга барлык мәктәп балалары чакырыла.

Чараның юнәлешләре:

1. Белешмәләр һәм белем бирү: Конференцияләр, күргәзмәләр, түгәрәк өстәлләр, лекцияләр, хәбәр чараларында чыгышлар.
2. Табигать саклау: аеруча саклаулы табигать территориясендә практик эшчәнлек, табигый комплексларның торышын тикшерү, аеруча саклаулы табигать территорияләрен яклап имзалар җыю, агитбригадалар чыгышлары.
3. Конкурслар: иҗади конкурслар, викториналар.
4. Бәйрәмнәр: урам йөрешләре, фестивальләр.

“Парклар маршы” хакимиятләрне, хәбәр чараларын, эшмәкәрләрне һәм барлык җәмгы­ятьне аеруча саклаулы табигать территорияләрен саклауга җәлеп итү, халыкта табигый һәм мәдәни мирас белән горурлану хисләре уяту максатыннан үткәрелә торган халыкара акция булып тора.

Акция материаллары Мәскәүдәге Кыргый табигатьне саклау үзәгенә, Бөтенроссия репортажлар конкурсына җибәреләчәк.

Министрлыкның матбугат хезмәте