Әлмәт шәһәренең 63нче балалар бакчасында экология бәйрәме үткәрелде, анда Татарстан Экология һәм табигый байлыклар министрлыгының Көньяк-көнчыгыш территориаль идарәсе белгечләре, педагоглар, ата-аналар да катнашты. Бәйрәм өчен “Чүп-чардан могҗизалар” дип аталган, балалар һәм олылар икенчел чималдан ясаган эшләнмәләр күргәзмәсе дә оештырылган иде. Әзерлек төркемендә тәрбияләнүчеләр “Җир – уртак йортыбыз” дигән театраль тамаша куйды. Аннары төрү кәгазеннән, салфеткалардан, гәзит-журналлардан, чүп пакетларыннан, дисклардан, аудиотасмалардан ясалган “модалы” киемнәр күрсәтелде.
Министрлыкның матбугат хезмәте