«Парклар маршы» 22-26 апрельдә үткәрелә

2016 елгы халыкара “Парклар маршы” 22-26 апрельдә “Табигатьтә һәр нәрсә мөһим. Биологик төрлелекне саклыйк!” дигән девизлар астында үтәчәк. Ул аеруча саклаулы территорияләрнең әһәмиятен күтәрүгә, аларны җәмәгатьчелек яклавына алуга, граждан­нарны тыюлыкларны, милли паркларны, табигать һәйкәлләрен гамәлдә саклауга җәлеп итүгә юнәлтелә. “Парклар маршы” вакытында тыюлыклар, милли парклар, табигать саклау һәм белем бирү оешмалары, хөкүмәтнеке булмаган оешмалар түгәрәк өстәлләр, пресс-конференцияләр, ачык ишекләр көннәре, балалар өчен экологик чаралар, тематик күргәзмәләр, иреклеләр ярдәме акцияләре һәм саклаулы табигать территорияләренә ярдәмгә хәйрия чаралары җыюлар оештыра.

Министрлыкның матбугат хезмәте