Экология министрлыгы «Халык контроле» буенча алдынгы урында
Бүген Татарстан Министрлар Кабинетында, Премьер-министр Илдар Халиков катнашында Татарстанның “Халык контроле” дәүләти информацион системасының 2015 елның 11 аендагы эшчәнлегенә багышланган киңәшмә булып узды. Татарстан Информатизация һәм элемтә министрлыгы министрлыкларның, тармакларның һәм муниципаль берәмлекләрнең “Халык контроле” системасында 2015 елның 1 январеннан 30 ноябренә кадәр ничек эшләве турында статистик белешмәләр тәкъдим итте. – Шул узган дәвердә системада 27916 хәбәр урнаштырылган, 19830ы хәл ителгән, бу барлык хәбәрләрнең 71%ын тәшкил итә. Хәбәрләрнең 22%ы “Планга кертелгән” статусында тора.
Эш йомгаклары буенча Татарстан Экология һәм табигый байлыклар министрлыгы гражданнар мөрәҗәгатьләрен хәл итү буенча мактаулы өченче урында тора. – Барлыгы 812 хәбәр урнаштырылган, 740ы хәл ителгән, бу 91,1% тәшкил итә.
Министрлыкның матбугат хезмәте