Экология министры Фәрит Габделганиевның Халык бердәмлеге һәм Татарстан Конституциясе көне белән котлавы

Мөхтәрәм татарстанлылар!

Сезне Халык бердәмлеге көне һәм Татарстан Конституциясе көне белән чын күңелдән котлыйм!

Без тыныч дәвердә яшибез, һәм бу зур бәхет. Көч-куәтебез иҗади хезмәткә юнәлтелгән. Бүгенге көндә хакимият, җәмгыять, бизнес шактый катлаулы мәсьәләләрне бергә хәл итәргә тиеш. Моның өчен бездә бөтен мөмкинлекләр – табигый байлыклар, үсә баручы индустрия, халкыбызның югары һөнәри һәм иҗади осталыгы бар. Эш, хезмәт, көч-куәтләребезне берләштереп, без Татарстанны имин, мул төбәк итәбез! Безнең җирдә гомер-гомергә милләте, дине, ышанулары һәм политик карашлары төрле-төрле булган кешеләр тыныч һәм тату яшәгән. Көчебезнең һәм чәчәк атуыбызның гарантиясе шунда!

Татарстан экология һәм табигый байлыклар министры
Ф.С.Габделганиев