Бүген Татарстан Экология һәм табигый байлыклар министрлыгы белгечләре, “ЧистаБулыр” экологик хәрәкәте волонтерлары һәм чатырлар лагерының “Экосукмак” экологик сменасында катнашучылар белән бергә, “Елга-күлләребезгә – чиста ярлар” акциясендә катнашты. Зәңгәр күл буе чүп-чардан чистартылды. Бер сәгатьлек кызу эш барышында 20 капчыктан артык чүп җыелды. Акциянең максаты – табигый байлыкларга һәм әйләнә-тирәлеккә җаваплы караш тәрбияләү, экологик аң формалаштыру, өзлексез экологик белем бирү системасын арытаба үстерү.
“Елга-күлләребезгә – чиста ярлар” акциясе Россия Федерациясенең 80 регионында “Россия суы” федераль максатчан программасы кысаларында үткәрелә.
Министрлыкның матбугат хезмәте