Казанда «Табигатьтән файдалануны һәм әйләнә-тирәлекне саклауны экономик көйләү теориясе һәм практикасы» дигән 13нче халыкара конференция үткәрелә
2015 елның 7-11 июлендә Казан (Идел буе) Федераль Университетында “Табигатьтән файдалануны һәм әйләнә-тирәлекне саклауны экономик көйләү теориясе һәм практикасы” дигән 13нче халыкара конференция үткәрелә, анда табигатьтән файдалануның һәм әйләнә-тирәлекне саклауның экономик механизмын формалаштыру һәм үстерү методологиясе һәм практикасы өлкәсендәге көнүзәк сораулар тикшереләчәк. Чараны Россия Экологик экономика җәмгыяте, Россия Федерациясе Табигый байлыклар һәм экология министрлыгы ярдәмендә Халыкара Экологик экономика җәмгыяте, Татарстан Фәннәр Академиясе үткәрә.
Конференциянең эш юнәлешләре:
– Россиядә һәм дөньяда экологик политика: заманча тенденцияләр һәм яңа үлчәнешләр;
– табигатьтән файдалануны һәм әйләнә-тирәлекне саклауны көйләүнең экономик инструментларын куллану методологиясе һәм практикасы;
– әйләнә-тирәлекне пычратудан килгән экономик зыянны бәяләү алымнарын әзерләү;
– табигать саклау чараларының максат һәм программаларын планлаштыру:
– тотрыклы үсеш даирәсендә экологик куркынычсызлыкны тәэмин итү;
– экологик белем бирү;
– әйләнә-тирәлекне саклауның инновацион технологияләре;
– табигый ресурсларны экологик-экономик модельләштерү һәм бәяләү.
Тулырак белешмәләр http://tp-eco.ru/assets/files/ROEE.pdf юнәлтмәсе буенча.
Министрлыкның матбугат хезмәте