28 мартта Чаллы шәһәренең Балалар һәм яшьләр иҗаты сараенда «Мин дөньяны өйрәнәм» конкурсының турыдан-туры катнашмалы этабы үткәрелә

28 мартта Чаллы шәһәренең “1нче шәһәр балалар һәм яшьләр иҗаты сарае” өстәмә белем бирү муниципаль автоном мәгариф оешмасында “Мин дөньяны өйрәнәм” конкурсының турыдан-туры катнашмалы этабы үткәрелә. 1-4 класс укучыларының тикшеренү һәм иҗат эшләренең IV республика конкурсын интеллектуаль үсеш бүлеге Татарстан Экология һәм табигый байлыклар министрлыгының Кама буе территориаль идарәсе ярдәмендә үткәрә.

Конкурс түбәндәге юнәлешләр буенча үткәрелә:

– Экология: тере булмаган табигать объектлары һәм күренешләре;

– Яшел ярдәмчеләр: үсемлекләр һәм гөмбәләр экологиясе, биологиясе;

– Хайваннар дөньясында: балыклар, бөҗәкләр, имезүчеләр экологиясе, биологиясе;

– Канатлы дуслар;

– Кеше экологиясе һәм аның саулыгы.

Быел конкурста катнашуга Татарстанның Кама буе төбәгендә яшәүче 400дән артык укучы бала гариза биргән.