«Татарстанның чиста урманнары» конкурсы игълан ителде
Балалар экология-биология үзәге, Түбән Кама район башкарма комитетының Мәгариф идарәсе һәм Әйләнә-тирәлекне саклау бүлеге белән берлектә, “Татарстанның чиста урманнары” дигән муниципаль балалар иҗаты конкурсы үткәрә. Аның максаты – яшь буында экологик культура формалаштыру, укучыларны туган якның тарихи һәм табигый мирасы белән ныграк кызыксындыру. Конкурс 2015 елның 20 мартыннан 1 сентябренә кадәр, укучыларның җәйге каникулда танып-белү һәм иҗат активлыгын күтәрүне күздә тотып үткәрелә.
Конкурсның номинацияләре:
– “Урманны уттан саклыйк” дигән рәсем конкурсы.
– “Кояш хәзинәсе” дигән иҗади язмалар конкурсы.
– “Шәһәр яны урманының гүзәл почмагы” дигән фотографияләр конкурсы.
Конкурста катнашучылар өч яшь төркеменә бүленә:
– 7-10 яшьлекләр;
– 11-14 яшьлекләр;
– 15-17 яшьлекләр.
Эшләр һәм гаризалар 1-15 сентябрьгә кадәр Шишкин ур. 59 й. адресында урнашкан Түбән Кама балалар экология-биология үзәгендә кабул ителә.
Министрлыкның матбугат хезмәте