Экология министрлыгында Коррупциягә каршылык комиссиясе утырышы булып узды

Бүген Татарстан Экология һәм табигый байлыклар министрлыгының Коррупциягә каршылык комиссиясе утырышы булып узды, ул Халыкара коррупциягә каршылык көненә багышланган иде.
Утырышта шундый темалар тикшерелде:
1. Халыкара коррупциягә каршылык көне буенча белешмә (“коррупция” төшенчәсенең, аңа каршы көрәш көненең барлыкка килүе, Россиядә коррупциянең торышы).
2. Татарстанның Антикоррупцион программасын 2014 елның 11 аенда тормышка ашыру, Министрлыкның вазифалы затларының коррупцион эшчәнлегенә күзәтчелек нәтиҗәләре, бу эштә хәбәр чараларын, шул исәптән Интернетны һәм “Ышаныч телефонын”, гражданнарның һәм юридик затларның мөрәҗәгатьләрен куллану.
3. 2014 елда территориаль идарәләрдә коррупциягә каршылык политикасын тормышка ашыру.
4. “Дәүләти һәм муниципаль хаҗәтләр өчен товарлар, эшләр, хезмәт күрсәтүләр сатып алуда контракт системасы турындагы” 05.04.2013 № 44 ФЗ федераль законын 2014 елның 11 аенда үтәү нәтиҗәләре.
Киңәшмәдә шулай ук Коррупциягә каршылык комиссиясенең 2015 елга эш планы расланды.
Халыкара коррупциягә каршы көрәш көне кысаларында Министрлык хезмәткәрләре өчен “Тирә-юньдәгеләр ришвәт вәгъдә итү я бирергә теләү дип яисә ришвәт алырга ризалык я аны сорау дип кабул итәргә мөмкин булган тәртип турында” дигән белешмәлек әзерләнде.
Комиссиянең эше турында белешмәләр Министрлык сайтының “Коррупциягә каршылык” бүлегендә урнаштырылган. Белешмәлек исә “Коррупциягә каршылык буенча белешмәлек” сәхифәсендә.
Министрлыкның матбугат хезмәте