Воронино авылы янында сыек калдыклар агызылу турында мәгълүмәт

2014 елның 4 ноябрендә Татарстан Экология һәм табигый байлыклар министрлыгына Казан шәһәренең Киров районындагы Воронино торак пункты янында урнашкан күл яры буендагы җиргә сыек химик матдә калдыклары агызылу турында мөрәҗәгать керде. Министрлыкның Үзәк махсус аналитик контроль инспекциясенең дәүләт инспекторлары һәм белгечләре, РФ МВД Казан шәһәре буенча идарәсенең 4нче “Юдино” полиция бүлеге хезмәткәрләре белән берлектә, шул урынга барып, туфрак пробалары алды. Тикшерү барышында ул җиргә үзенчәлекле лак-буяу исле сары матдә түгелү факты ачыкланды. Алынган туфракны тикшерү нәтиҗәсендә сыек калдыкның башлыча нефть продуктларыннан һәм ароматик углеводородлардан торуы, составында формальдегид һәм фенол булу билгеләнде. Биологик тест нәтиҗәләре буенча калдык әйләнә-тирә табигать өчен 3нче куркыныч классына кертелде. Туфрак шул химик матдәләр белән пычранган. Биотест шулай ук туфрак пробаларының агулы булуын күрсәтте.
Министрлык белгечләре әйләнә-тирәлеккә салынган зыянны исәпли, “Җир бозу” РФ ҖК 254 статьясы буенча җинаять эше кузгату турында карар кабул итү өчен хокук саклау органнарына тапшырырга материаллар әзерли.
Министрлыкның матбугат хезмәте