«Саф караш» конкурсында җиңүчеләр 28 ноябрьдә бүләкләнә

2014 елның 28 ноябрендә республика яшьләренең 3нче “Саф караш” ачык социаль-экологик реклама конкурсында җиңүчеләрне бүләкләү тантанасы үткәрелә. Конкурсны Татарстан Экология һәм табигый байлыклар министрлыгы халыкны әйләнә-тирәлекне саклау мәсьәләләренә җәлеп итү, яшьләргә экология өлкәсендәге теге я бу проблемага карата үз фикерен әйтү мөмкинлеге бирү максатыннан үткәрә. Аңа Россия Федерациясенең 53 субъектыннан барлыгы 1000ләп эш кертелде. Конкурста җиңүчеләр Казанга чакырылып, монда аларга истәлекле бүләкләр һәм кыйммәтле призлар тапшырылачак.
Министрлыкның матбугат хезмәте