Мәскәүдә «ЭКВАТЕК-2014» халыкара форумы бара

3-6 июньдә Мәскәүнең “Крокус Экспо” күргәзмә үзәгендә “ЭКВАТЕК-2014” халыкара форумы үткәрелә. Ул Россиядә һәм БДБда су белән тәэмин итү һәм су бүлү, су технологияләре, су чыганакларыннан бәрәкәтле файдалану һәм аларны яңадан торгызу мәсьәләләренә багышланган иң эре конгрессион чара булып тора.
Быел форумда һәм күргәзмәдә 750 компания, шул исәптән 250 чит ил компаниясе катнаша.
ЭКВАТЕК кысаларында Россия Табигый байлыклар һәм экологик министрлыгы, “Җитештерү экологиясе” журналы тарафыннан оештырылган “Әйләнә-тирәлекне саклау өлкәсендә норматив-хокукый көйләүне камилләштерү” темасына фәнни-практик конференция дә уздырыла.
Конференциядә катнашучылар тикшерүенә чыгарылучы кайбер мәсьәләләр:
– “җитештерүне экологик заманчалаштыруны экономик стимуллау”;
– “ташландык чыгаруларны көйләү системасын үзгәртеп кору”;
– “калдыклар белән куркынычсыз эш итү системасын булдыру”;
– “җитештерүченең киңәйтелгән җаваплылыгы” принцибын иңдерү”.
“ЭКВАТЕК-2014” форумы кысаларында шулай ук су-экология тематикасы буенча балаларга белем бирү зонасы оештырылган. Бу проектның максаты – кече һәм урта яшьтәге мәктәп балалары өчен су ресурсларын саклау һәм яңадан торгызу, эчә торган суга сак караш, пычранган суларны чистартуның кыенлыгы турында дәресләр оештыру һәм үткәрү.
Министрлыкның матбугат хезмәте