Балаларны яклау көнендә экологик бәйрәм үткәрелде

Узган ялларда «Көньяк» сәүдә-тамаша үзәге мәйданында Бөтендөнья балаларны яклау көненә һәм Бөтендөнья әйләнә-тирәлекне саклау көненә багышланган «Балаларга – яшел дөнья» бәйрәме үткәрелде. Барлык теләүчеләр «ДАШКА» балалар архитектура-дизайн мәктәбе җитәкчелегендә катыргы ЭКО-шәһәр төзүдә катнаша алдылар. Җыелган халыкка «Радуга» экологик театрының «Нарат турында баллада» театраль тамашасы күрсәтелде. Бәйрәмдә шулай ук Татарстанның нәфис гимнастика буенча абсолют чемпионы, Россиянең спорт мастеры Дарья Шарованың бию һәм пластика студиясе ярдәмендә оештырылган балалар бию конкурсы үткәрелде. «Көньяк» капкасы алдында исә сәнгать бәйгесе булып узды.
Республиканың яшь буыны өчен экологик агарту чаралары үткәргәне һәм күпьеллык экологик тәрбия эшчәнлеге өчен «Көньяк» сәүдә-тамаша үзәге идарә компаниясе директоры Лилия Ибәтуллина һәм «Радуга» балалар экологик театрының сәнгать җитәкчесе Андрей Шкуро Татарстан Экология һәм табигый байлыклар министрлыгының рәхмәт хатлары белән бүләкләнде.
Бәйрәм Татарстан Экология һәм табигый байлыклар министрлыгының, «Яшел Бастион» иҗтимагый һәм гражданлык башлангычлары фондының турыдан-туры ярдәме белән үткәрелде.
Министрлыкның матбугат хезмәте