Табигать саклау законнарын бозулар турында Алтынчы табигать саклау тикшерүләре бүлегенә хәбәр итәргә мөмкин

Россия тикшерүләр комитетының Идел төбәкара табигать саклау тикшерүләре идарәсе шундый җинаятьләр турында хәбәрләрне карауны һәм җинаять эшләре буенча алдан тикшеренүләрне башкара:
– экологик җинаятьләр турында;
– коррупцион җинаятьләр турында;
– иҗтимагый куркынычсызлыкка һәм халык саулыгына каршы булган җинаятьләр, әйләнә-тирәлеккә яисә халыкның санитар-эпидемиологик иминлегенә зыян салу белән бәйле экономик эшчәнлек өлкәсендәге җинаятьләр турында.
Тикшерүләр идарәсе Россиянең Идел елгасы бассейны чикләрендәге 15 регионы территориясендә эш итә.
Казанда Россия тикшерүләр комитетының Идел төбәкара табигать саклау тикшерүләре идарәсенең (МПСУ СК) Алтынчы табигать саклау тикшерүләре бүлеге урнашкан.
Татарстан Республикасында яшәүче, төбәкнең экологик проблемаларына битараф булмаган кешеләр әйтелгән категорияле җинаятьләр турында Россия ВМПСУ СК Алтынчы табигать саклау тикшерүләре бүлегенә хәбәр итә алалар. Бүлекнең адресы: Казан шәһәре, Космонавтлар урамы, 59. Телефоны: (843) 291 05 46.
Аннан тыш, гражданнар тикшерүләр идарәсе аппаратына турыдан-туры да мөрәҗәгать итә алалар: г. Тверь, Проспект победы, д. 35; телефоны: (8-4822) 32-46-07; ышаныч телефоны: 49-48-40. Тикшерүләр идарәсенең эше турында тулырак белешмәләр идарәнең vmpsu.sledcom.ru сайтына урнаштырылган.
Министрлыкның матбугат хезмәте