Казанның Идел буе районында бинаны җимерүдән калган калдыкларны рөхсәтсез җыю урыны ачыкланды
Экология министрлыгына “Халык контроле” системасы аша килгән халык хәбәре буенча, инспекторлар Казанның Генерал Ерин урамында күчмә тикшерү уздырды.
Җир кишәрлегендә биналарны җимерү һәм сүтү калдыкларын рөхсәтсез җыю ачыкланды. Чүплекнең гомуми мәйданы 241 кв. м тәшкил итте.
“Халык контроле” системасы безгә гражданнарның мөрәҗәгатьләренә оператив җавап бирергә һәм экологик кануннарны бозуларны ачыкларга мөмкинлек бирә. Бу иҗтимагый контрольнең мөһим коралы,” - диделәр Министрлыкта.
Җир кишәрлеге милекчесенә калдыкларны рөхсәтсез җыюны бетерү кирәклеге турында кисәтү бирелгән.
Таләпләр үтәлмәгән очракта закон нигезендә җаваплылык чаралары кулланылачак.
Исегезгә төшерәбез: экологик законнарны бозу фактлары турында “Халык контроле” порталы яки министрлыкның рәсми каналлары аша хәбәр итәргә мөмкин.