Экология министры Азат Җиһаншин “Яшел Зачет” Бөтенрәсәй конкурсында җиңүчеләрне бүләкләде
ТР Министрлар Кабинетында узган брифингта ТР Экология һәм табигый байлыклар министры Азат Җиһаншин “Яшел зачет” Бөтенрәсәй конкурсында җиңүчеләргә Рәхмәт хатлары тапшырды.
Бүләкләр алдылар:
- Аида Гыйләҗиева - Рәсәй Федерациясе Президенты каршындагы Рәсәй халык хуҗалыгы һәм дәүләт хезмәте академиясенең Казан филиалы студенты;
- Элина Котельникова - КАИ А.Н.Туполев исемендәге Казан милли тикшеренү техник университетының техник көллияте студенты.
Азат Җиһаншин студент кызларны конкурста югары нәтиҗәләр белән котлады һәм укуда һәм экологик инициативаларда уңышлар теләде.
Күпьеллык намуслы хезмәте, педагогик осталыгы һәм яшьләрнең экологик культурасын формалаштыруда актив катнашуы өчен РАНХиГС Казан филиалының “Биология һәм табигатьтән файдалануның экологик нигезләре” укытучысы Эльмира Косачева Рәхмәт хаты белән бүләкләнде. Менә инде күп еллар дәвамында ул студентларны конкурста катнашу өчен әзерли.
Исегезгә төшерәбез, ел саен үткәрелә торган “Яшел Зачет” экологик грамоталылык дәрәҗәсен бәяләү Бөтенрәсәй конкурсының финалы Мәскәүдә узды. Быел иң яхшылар исеме өчен бөтен илдән 550 студент һәм мәктәп укучысы көрәште. Конкурсның төп бурычлары булып экология тематикасын популярлаштыру һәм яшьләр арасында әйләнә-тирә мохиткә һәм фәнни-тикшеренү эшчәнлегенә кызыксынуны үстерү тора, бу “Экологик иминлек” милли проекты максатларына туры килә.