Экологлар Әлмәттә рөхсәтсез чүплек тапкан

2026 елның 13 феврале, җомга

2025 елның декабрендә ТР Экология министрлыгына Әлмәттә Совет урамындагы санкцияләнмәгән чүплек турында халык мөрәҗәгате кергән. Көньяк-Көнчыгыш идарәсе инспекторлары урынга чыктылар.

Территорияне тикшергәндә хокук бозу расланган. Урында экологлар төзелеш калдыкларын, шулай ук тимер-бетон әйберләр ватыкларын тапканнар. Чүплекнең гомуми мәйданы 91 кв. м тәшкил иткән.

Әлмәт районы Башкарма комитеты адресына табигатьне саклау законнарының мәҗбүри таләпләрен бозуга юл куймау турында кисәтү җибәрелде.

Чүплек 60 көннән соң бетерелмәгәнлектән, хокук бозучыга карата дәгъва әзерләнә.