Экология министрлыгы инспекторлары Яр Чаллыда санкцияләнмәгән чүплекне теркәгәннәр

2026 елның 4 феврале, чәршәмбе

Чаллы шәһәре территориясен тикшерү барышында Кама буе идарәсе инспекторлары рөхсәтсез чүплек тапкан. Экология министрлыгы белгечләре төзелеш һәм ремонт эшләреннән калдыкларны, шулай ук көнкүреш чүп-чарларын ташлауны теркәгәннәр.

Законсыз чүплекнең мәйданы 27,5 кв. м тәшкил иткән, күләме – 9,6 куб. м.

Хокук бозу муниципаль җирдә теркәлгәнлектән, Чаллы шәһәре Башкарма комитетына табигатьне саклау законнарының мәҗбүри таләпләрен бозуга юл куелмавы турында кисәтү һәм хокук бозуны бетерү турында таләп игълан ителде.