Экология министрлыгы инспекторлары мәктәпкәчә яшьтәге балаларга кышлаучы кошлар турында сөйләүләрен дәвам итәләр
Төньяк идарә белгечләре Арчаның 11нче балалар бакчасында экология дәресе үткәрделәр. Экологлар мәктәпкәчә яшьтәге балаларга кошлар - елның салкын вакытында ярдәмгә мохтаҗ булган кечкенә дусларыбыз, дип аңлаттылар.
Балалар Татарстан тирәсендә яшәүче канатлы хайваннар белән таныштылар. Балалар карабүрекләрнең, песнәкләрнең, үрмәләчләрнең нинди булуын истә калдырдылар һәм табышмакларга җавап бирделәр.
Экологлар шулай ук канатлы дусларның үз йортлары булырга тиешлеген искәрттеләр:
“Кышын кошларга азык табу аеруча кыен, шуңа күрә җимлекләр аларга салкыннарны кичерергә ярдәм итә. Бу туган як табигатен саклауга өлеш кертүнең гади ысулы”.
Балалар әти-әниләре белән җимлекләр ясап, аларны өй янына элеп куйганнары һәм шунда азык салганнары турында сөйләделәр.