Экологлар кисәтүе буенча Чаллыда чүплекләр бетерелде

2025 елның 24 декабре, чәршәмбе

Элегрәк ТР Экология министрлыгына «Халык контроле» системасы аша Чаллыда рөхсәтсез калдыклар туплау турында халыктан мөрәҗәгать килгән иде. Кама буе идарәсе инспекторлары оператив рәвештә «Заря-4» ширкәтенә бардылар. Территорияне тикшергәндә хокук бозулар расланды.

Беренче чүплекнең гомуми мәйданы 66 кв.м тәшкил итте, ә икенче хокук бозу мәйданы – 93 кв.м.

Чаллы шәһәре башкарма комитетына табигатьне саклау законнарының мәҗбүри таләпләрен бозуга юл куймау турында кисәтү бирелде.

Бүгенгә чүплекләр бетерелгән.