Мамадыш районы укучылары экологның кем икәнен һәм аның нәрсә белән шөгыльләнүен белделәр
Кама буе идарәсе инспекторлары Мамадыш районының Җәнлек совхозы бистәсе укучылары өчен экология дәресе үткәрделәр. Укучылар беренче чиратта экологиянең җирдәге барлык тере организмнарның үзара бәйләнешен өйрәнә торган фән икәнен белделәр.
Инспекторлар үз һөнәрләренең серләре һәм нечкәлекләре белән уртаклаштылар. Алар чүплекләрне бетерүдә ничек ярдәм итүләре, һава һәм су пробаларын алулары, җир асты байлыкларыннан файдалану өлкәсендә нинди хокук бозулар ачыклануы турында сөйләделәр, шулай ук лаборатор тикшеренү методларын үткәрү алгоритмын аңлаттылар.
Кама буе идарәсе белгечләре балаларга әйләнә-тирә мохитне кайгыртуның һәрберебездән башлануын искәрттеләр: «Әгәр без дөньяны сакласак, сулыкларны чүпләмәсәк, табигать безгә «рәхмәт» әйтәчәк».
Укучыларга белемнәрен ныгытырга викторина ярдәм итте, анда алар табигатьне саклау кагыйдәләрен яхшырак истә калдырдылар һәм үзләренең экологик белем дәрәҗәсен бәяләделәр.
Мондый экодәресләр үсеп килүче буында экокультура формалаштыруга юнәлдерелгән, бу исә «Экологик иминлек» илкүләм проектының максатларына ирешүгә ярдәм итә.