Буа районында зур чүплек бетерелде

2025 елның 9 декабре, сишәмбе

Буа районы территориясен тикшерү барышында Идел аръягы идарәсе инспекторлары табигатьне саклау законнарын бозуны ачыкладылар. Мөкерле авылы читендә белгечләр көнкүреш калдыкларын ташлау фактын теркәделәр.

Бозу мәйданы – 3909 кв.м, ә күләме 6255 куб.м тәшкил итте.

Мәгълүмат Мөкерле авыл җирлеге башкарма комитетына тапшырылды. Бүгенге көндә чүплек урыны тәртипкә китерелгән.