Халык мөрәҗәгатьләре буенча Экология министрлыгы инспекторлары Чаллыдагы чүплекләрне ачыкладылар
ТР Экология министрлыгына «Халык контроле» системасы аша Чаллы шәһәрендә «Заря-4» коммерцияле булмаган бакчачылык җәмгыятендә санкцияләнмәгән чүплекләр турында мөрәҗәгать килде.
Кама буе идарәсе инспекторлары оператив рәвештә урынга чыктылар. Территорияне тикшергәндә хокук бозулар расланды.
7 нче урам тирәсендә инспекторлар сортланмаган торак һәм үсемлек калдыкларын, шулай ук полимер материаллардан калдыклар белән законсыз рәвештә чүпләү урынын теркәделәр. Кагыйдә бозу мәйданы – 94 кв.м, ә күләме 37,5 куб. м тәшкил итте.
8 нче урамда инспекторлар төзелеш һәм ремонт эшләре калдыкларын рөхсәтсез җыю фактын ачыкладылар. Бозу мәйданы – 67 кв.м, ә күләме 80 куб.м тәшкил итте.
Чаллы шәһәре башкарма комитетына табигатьне саклау законнарының мәҗбүри таләпләрен бозуга юл куймау турында кисәтү һәм хокук бозуны бетерү турында таләп белдерелде.