Экология министрлыгының һаваны контрольдә тоту автоматик станцияләре 3 миллионнан артык үлчәү башкарган
1 гыйнвардан атмосфера һавасының пычрануын контрольдә тотуның 17 автоматик станциясе (АСКЗА) тарафыннан 3,088 млн. үлчәү башкарылган. Шуларның 996 меңе Казанда урнашкан биш станция тарафыннан үткәрелгән.
Ноябрьдә АСКЗА-1 (Осиново, Зеленодольск м.р.) күкерт водороды буенча рөхсәт ителә торган концентрациядән 10 арту очрагы теркәлгән.
Калган АСКЗА пычраткыч матдәләрнең ПДК артуы теркәлмәгән.
Күкерт водороды концентрациясенә дәүләт федераль экология күзәтчелегендә булырга тиешле предприятиеләрнең чыганаклары иң зур өлеш керткәнлектән, теркәлгән артыклык очраклары турында мәгълүмат Росприроднадзорның Идел-Кама төбәкара идарәсенә һәм Роспотребнадзорның Татарстан Республикасы буенча идарәсенә җибәрелде.
Исегезгә төшерик, Татарстан Республикасының Экологик картасында АСКЗА үлчәүләре күрсәткечләре экологик-аналитик җиһазларга диагностика һәм ремонт эшләре уздыруга бәйле рәвештә вакытлыча булмаска мөмкин. Планлы техник хезмәт күрсәтү чорында атмосфера һавасының сыйфаты начараюга түгел, ә приборларны калибрлау һәм көйләү процессына бәйле пычраткыч матдәләрнең артык югары концентрацияләрен чагылдырырга мөмкин.