Татарстан — «Экологик иминлек» илкүләм проекты буенча системалы эшнең уңай үрнәге
Бүген Татарстанда 55 нче Инцидент кысаларында штабның күчмә киңәшмәсе узды, аның төп темасы «Экологик иминлек» илкүләм проекты кысаларында төзелгән һәм реконструкцияләнгән чистарту корылмаларын эксплуатацияләүнең нәтиҗәлелеген арттыру һәм бәяләү булды.
Киңәшмә эшендә РФ табигать ресурслары һәм экология министры урынбасары Максим Корольков, РФ төзелеш һәм ТКХ министры урынбасары Алексей Ересько, ТР экология һәм табигать ресурслары министры Александр Шадриков һәм ТР төзелеш, архитектура һәм ТКХ министры Марат Айзатуллин катнашты.
Катнашучылар Казанда БОСК чистарту корылмаларын һәм илкүләм проект буенча төзелгән башка объектларны да кертеп, берничә төп объектта булдылар. Эш сәфәре кысаларында шулай ук Россиянең барлык төбәкләре белән тәҗрибә уртаклашуга һәм гамәлләрне координацияләүгә юнәлдерелгән видеоконференцкиңәшмә узды. Киңәшмәне РФ табигать ресурслары һәм экология министры Александр Козлов, РФ табигать ресурслары һәм экология министры урынбасары Максим Корольков һәм РФ төзелеш һәм ТКХ министры урынбасары Алексей Ересько үткәрде.
РФ төзелеш һәм торак-коммуналь хуҗалык министры урынбасары Алексей Ересько Татарстанда чараны оештыруның югары дәрәҗәдә булуын билгеләп үтте һәм күчмә штаб үткәрү өчен уңай үрнәк буларак республиканы сайлауның дөреслеген ассызыклады.
Татарстан Республикасы Премьер-министрының беренче урынбасары Рөстәм Нигъмәтуллин Татарстанның «Иделне савыктыру» федераль проектына керүче чистарту корылмаларындагы агынтыларның норматив параметрларына ирешү буенча яхшы нәтиҗәләр күрсәтүе турында сөйләде. Мониторингта булган 15 объектның 12се барлык норматив күрсәткечләргә ирешелгән. Ике объект буенча нормативларга чыгу турында раслаулар көтелә.
Татарстан Премьер-министрының беренче урынбасары ассызыклаганча, 55 нче Инцидент кысаларында федераль һәм республика штабларының системалы эше нәтиҗәсендә чистарту корылмаларын эксплуатацияләү проблемалары тирәнрәк өйрәнелеп, аларның нәтиҗәлелеге сизелерлек арткан. Ирешелгән уңышларга карамастан, гамәлдәге мәсьәләләрне аңлау саклана, һәм Татарстан бу өлкәдә алдынгы тәҗрибәләр күрсәтүче башка регионнар белән тәҗрибә уртаклашырга әзер.
Белешмә: «Экология» илкүләм проектының «Иделне савыктыру» федераль проекты кысаларында 2019-2024 елларда Татарстан Республикасының Идел бассейнында урнашкан 13 чистарту корылмасы төзелде (реконструкцияләнде) (Казан, Чаллы шәһәре, Алабуга шәһәре (I, II этап), Зәй шәһәре, Тәтеш шәһәре, Әгерҗе муниципаль районының Красный Бор авылы, Алексеевск, Зеленодольск муниципаль районының Васильево штп һәм Түбән Карамалы штп, Минзәлә муниципаль районының Юрта п., Питрәч муниципаль районының Питрәч һәм Кощаково авыллары). 2024 елда Казан шәһәренең канализация биологик чистарту корылмаларын реконструкцияләү төгәлләнде, ул Идел елгасын пычратучы 200 төп корылмага керә (гамәлгә ашыру срогы - 2021-2024 еллар). Нәтиҗәдә, 2,3 миллионнан артык кешедән торган республика халкы өчен яшәү өчен экологик шартлар яхшырды.