Экологлар Токсикологик, радиацион һәм биологик куркынычсызлык федераль үзәгендә булдылар

2013 елның 1 декабре, якшәмбе
Татарстан Экология һәм табигый байлыклар министры Артем Сидоров Токсикологик, радиацион һәм биологик куркынычсызлык федераль үзәгендә (“ФЦТРБ-ВНИВИ”) булды. “ФЦТРБ-ВНИВИ” – югары интеллектуаль һәм техник куәтләргә ия булган заманча үзәк ул. Аның карамагында заманча матди-техник база һәм югары квалификацияле белгечләр, шул исәптән 100дән артык фән кандидаты һәм докторы бар. Бу оешмада 350 биологик препарат һәм фәнни-техник документ эшләнеп гамәлгә кертелгән. Уйлап табулар буенча 500дән артык автор таныклыгы һәм патент алынган. «ФЦТРБ-ВНИВИ» әйләнә-тирәлек объектларындагы, патологик материалдагы, үзебездә һәм чит илләрдә җитештерелгән, хайваннардан һәм үсемлекләрдән алынган азык-төлектә һәм терлек азыгында радиоактив зарарлануны ачыклау һәм бәяләү, экотоксикантларны һәм көчле тәэсирле агулы матдәләрне, бактериаль чараларны индикацияләү алымнарын эшләү буенча махсус үзәк булып тора.
Артем Сидоровның белдерүенчә, Татарстан Экология һәм табигый байлыклар министрлыгы белән Токсикологик, радиацион һәм биологик куркынычсызлык федераль үзәге (“ФЦТРБ-ВНИВИ”) арасында экологик куркынычсызлык мәсьәләләре буенча элемтәләр урнаштырырга кирәк. Анда үзенчәлекле профессорлар бар. Югары квалификацияле белгечләрнең ярдәме бигрәк тә радиацион куркынычсызлык мәсьәләләрендә таләп ителә.
Министрлыкның матбугат хезмәте
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгатьләре өчен
Адрес: 420049, Казан шәһәре, Павлюхин урамы, 75
Телефон: +7 (843) 267-68-01, 267-68-02
Факс: +7 (843) 267-68-70
E-Mail: eco@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International