Бүген Дагыстанда III Халыкара Каспий цифрлы форумы кысаларында «яшел» энергетиканың экологик мониторингы һәм үсеше турында фикер алышалар
Бүген Дагыстан Республикасында III Халыкара Каспий цифрлы форумы старт алды. Чара 30-31 октябрьдә Каспийск шәһәрендә уза. Анда катнашу өчен Россиянең төрле төбәкләреннән һәм Каспий буе дәүләтләреннән 1200дән артык кеше теркәлгән.
Форумның төп темалары экологик мониторинг, «яшел» энергетика һәм Каспий проблемаларын хәл итү өчен җирне дистанцион зонд белән тикшерү базарын үстерү булачак. Шулай ук киберкуркынычларга каршы тору, аерым алганда, ялган видео булдыру технологияләре, электрон платформаларны үстерү һәм «Төньяк-Көньяк» халыкара транспорт коридорын цифрлаштыру темалары буенча фикер алышачаклар.
Икенче көннең эшлекле программасы кысаларында Каспий буе төбәге өчен цифрлы проектлар буенча конкрет карарлар тәкъдир итү һәм Дагыстан Республикасы белән Россиянең әйдәп баручы компанияләре арасында хезмәттәшлек турында берничә килешүгә кул кую планлаштырыла.
Форумны трансляцияләү, җентекле мәгълүмат һәм теркәлү формасы рәсми сайтта бар: caspiandigital.ru.