Бүген Әлмәттә «Чиста мирас» яшь экологлар олимпиадасының III этабы башланды
Бүген Әлмәт шәһәренең «Юность» балаларны савыктыру лагеренда «Чиста мирас» экология олимпиадасының икенче этабы старт алды. Биредә читтән торып уку этабында 5 яшь категориясе буенча иң күп балл җыйган 160 финалист җыелды. Анда Россиянең һәм Белоруссиянең 25 төбәгеннән 1791 мәктәп укучысы катнашты, алар 45 минут эчендә экология буенча 35 тест биремен үтәделәр. Көндезге этапта 5-9 сыйныф укучылары катнаша. Атна дәвамында катнашучыларны олимпиаданың көндезге этабы биремнәрен хәл итү, эксперт-экологлар белән очрашулар, мастер-класслар, практик дәресләр, интеллектуаль уеннар, конкурслар һәм экскурсияләр көтә. Бүген тантанада котлау сүзләре белән экология министры урынбасары Илнур Насретдинов чыгыш ясаячак, ә җиңүчеләрне бүләкләү 31 октябрьдә узачак.
Исегезгә төшерәбез, «Чиста мирас» олимпиадасын «Экологик иминлек» илкүләм проекты максатларына ярдәм йөзеннән «Татнефть» ГАҖ, Татарстан Республикасы Экология һәм табигать ресурслары министрлыгы һәм Татарстан Республикасы Мәгариф һәм фән министрлыгы ярдәмендә оештыра. Олимпиада кысаларында «Игелекле эшләр эзләре буенча» марафоны узды, ул республиканың 12 шәһәрен колачлады.