Чистай районы халкы өмәләргә чыкты

2025 елның 22 октябре, чәршәмбе

Территорияләрне җыештыру Чистай районының Исләй һәм Татар Сарсазы авылларында узды.

Исләй авылы халкы җирле зират территориясендә өмә үткәрде. Алар зират урыннары янындагы чүп-чарны җыештырдылар.

Ә Татар Сарсазы авылында укучылар укытучылар белән бергә мәктәп яны территориясен җыештыруда катнаштылар. Берничә сәгать эшләү дәверендә активистлар чүп-чар һәм агач ботакларын җыйдылар.

«Көн саен диярлек без укырга киләбез һәм урынның чиста һәм җыештырылган булуын телибез. Иң мөһиме шуны истә тотарга кирәк, чүп-чарны теләгән җиргә ташларга ярамый. Чисталык һәрберебездән башлана», – диделәр Татар Сарсазы мәктәбе укучылары.