Балык Бистәсендә чишмә ачу тантанасы

         2013 елның 28 ноябрендә Татарстан Экология һәм табигый байлыклар министры Артем Сидоров республиканың Балык Бистәсе районы Зәңгәр Күл торак пунктында чишмә ачылуда катнашты. Чара Татарстанның Экологик культура һәм әйләнә-тирәлекне саклау елына багышланган иде.
        Министрның әйтүенчә, Татарстан Россия Федерациясенең иң күп сулы субъекты булып тора. Республика хөкүмәте, Экология һәм табигый байлыклар министрлыгы сулыкларның санитар-экологик торышын яхшыртуга юнәлтелгән чараларны игътибар үзәгендә тота, чөнки алар халыкның тормыш сыйфатын билгеләүче мөһим фактор булып торалар.
          Бу объект 2013 елгы табигать саклау чаралары исемлегенә кертелгән иде. Чишмәне һәм тирә-як территорияне төзекләндерү эшләре “2013-2015 елларда Татарстан Республикасының экологик куркынычсызлыгы” республика максатчан программасын тормышка ашыру кысаларында үткәрелде. Нәтиҗәдә чишмә тәртипкә китерелеп, ял һәм экологик туризм урыны буларак тулай кулланышка кайтарылды. Территория көнкүреш калдыкларыннан тазартылды, су юлы чистартылды, су җыйгыч көйләп куелды. Чишмә өстенә түбә ясалды, тирә-яктагы 1720 кв.м территория яшелләндерелде, 246.5 кв.м мәйданлы автомобиль тукталышы төзелде, ике утыргыч, өстәлләр, чишмә турында белешмәләр тактасы куелды, сукмаклар һәм чишмәгә төшү өчен чүкелгән тимердән баскыч ясап куелды.
Балык Бистәсе районында, үзенчәлекле геологик төзелеш аркасында, 101 чишмә бар, шуларның 95е даими рәвештә, 6сы сезонлы кулланыла, 4сен кулланырга киңәш ителә.
          Министрлыкның матбугат хезмәте