Алабуга районында экологлар 318 кв. м мәйданлы чүплекне ачыкладылар

2025 елның 16 октябре, пәнҗешәмбе

Алабуга районы территориясен мониторинглау барышында Кама буе идарәсе инспекторлары рөхсәтсез калдыклар ташлау урынын ачыкладылар.

Танай авыл җирлеге чикләрендә урнашкан җир кишәрлеге территориясендә экологлар биналарны сүтүдән калган, автомобиль шиннарын, полиэтилен һәм пенополиуретан калдыклары чүплеген таптылар. Моннан тыш участокта яну эзләре дә билгеләнде. Кагыйдә бозуның мәйданы – 318 кв.м, ә күләме 80 куб.м тәшкил итә.

Җир кишәрлегенең хокук иясе юридик зат булып чыкты. Оешмага табигатьне саклау законнарын бозуның ярамавы турында кисәтү һәм бозуны бетерү турында таләп бирелде.