Экологлар Буа районы балаларына калдыкларны аерым җыю турында сөйләделәр
Идел аръягы идарәсе инспекторлары Буа районының Ырынгы балалар бакчасында тәрбияләнүчеләр өчен экология дәресе үткәрделәр.
Балалар табигатькә сакчыл караш турындагы мультфильм карадылар һәм хайваннар һәм үсемлекләр турындагы табышмакларга җаваплар бирделәр. Экологлар шулай ук безнең һәрберебезнең әйләнә-тирә мохитне саклау өчен нәрсә эшли алуы турында да сөйләделәр. Мәсәлән, чүпләмәскә һәм үсемлекләрне өзмәскә, өмәләргә чыгарга һәм калдыкларны сортларга аерырга. Балалар кәгазь, пыяла һәм пластик калдыкларны аерып карарга вәгъдә иттеләр.
«Кечкенәдән үк балаларда экологик грамоталылык һәм табигатькә мәхәббәт формалаштыру мөһим. Мондый дәресләр белемнәрне киңәйтергә генә түгел, ә чисталык һәм әйләнә-тирә мохитне саклау өчен җаваплылык хисе тәрбияләргә дә ярдәм итә», - дип ассызыклады Идел аръягы идарәсе инспекторы Әминә Хәйсарова.
Дәрес азагында балалар һәм тәрбиячеләр ТР Экология министрлыгыннан бүләкләр алдылар.
Мондый экодәресләр яшь буын арасында экологик культураны формалаштырырга ярдәм итә, бу исә «Экологик иминлек» илкүләм проекты максатларына ирешүгә ярдәм итә.