Баулыда «Игелекле эшләр эзләре буенча» экологик марафоны узды
«Чиста мирас» олимпиадасы кысаларында Баулының шәһәр мәктәпләре «Экологик иминлек» илкүләм проектына ярдәм йөзеннән үткәрелә торган «Игелекле эшләр эзләре буенча» экологик марафонына кушылды. Алтынчы сыйныф укучылары әйләнә-тирә мохиткә сакчыл караш формалаштыруга юнәлдерелгән чарада актив катнаштылар.
Балалар кошлар өчен җимлекләр, тематик брошюралар һәм көзге яфраклардан оригиналь букетлар ясадылар. Мавыктыргыч викториналар һәм уеннар алган белемнәрне ныгытырга һәм әйләнә-тирә мохитне саклауның мөһимлеген аңларга ярдәм итте.
"Мин элек табигатьне саклауның ни өчен шулай мөһим булуын аңламый идем. Ә монда барысының да ничек бәйләнгән икәнен күрдем. Әгәр без планетабыз турында кайгыртмасак, үзебезгә дә начар булачак", - дип тәэсирләре белән уртаклашты марафонда катнашучыларның берсе.
Балалар яңа белемнәрне генә түгел, планетаның экосистемасын саклауда үзләренең ролен дә аңладылар. Чара тәмамлангач, укучылар оештыручылардан истәлекле сувенирлар белән бүләкләнделәр.
Игелек эстафетасы буенча экомарафон дәвам итә һәм иртәгә үк экоквестта Азнакай балалары катнашачак!
Исегезгә төшерәбез, «Чиста мирас» олимпиадасы Татарстанда «Татнефть» компаниясе һәм республиканың Экология министрлыгы ярдәмендә уза. 5-9 сыйныф укучылары 26 сентябрьгә кадәр түбәндәге сайтта катнашу өчен гариза бирә алалар: https://чистоенаследие.рф.