Экологларны кисәткәннән соң Бөгелмә районындагы чүплекне бетерделәр

2025 елның 22 сентябре, дүшәмбе

Элегрәк мониторинг кысаларында ТР Экология министрлыгының Көньяк-Көнчыгыш идарәсе инспекторлары «Юл хәрәкәте куркынычсызлыгы» ДБУ хезмәткәрләре белән берлектә Бөгелмә шәһәренең югары бистәсендә санкцияләнмәгән чүплек тапкан иде.

Җир кишәрлегендә инспекторлар төзелеш һәм көнкүреш калдыкларын ташлау урынын ачыкладылар. 

Пычрану мәйданы якынча – 300 кв.м, күләме – 90 куб.м.

Бөгелмә районы башкарма комитетына калдыклар белән эш итү өлкәсендә мәҗбүри таләпләрне бозмау турында кисәтү җибәрелде.

Кабат урынга чыкканда чүплекнең бетерелүе, территориянең тиешле санитар-экологик хәлгә китерелүе билгеләнде.