«Рекс-Пекс-Экоквест» экодәресләр конкурсында катнашырга өлгерегез!
2025 елның сентябрендә «Мусора.Больше.Нет» төбәкара иҗтимагый оешмасы тарафыннан оештырылган «Рекс-Пекс-Экоквест» конкурсы уза. Чараның максаты – балаларның игътибарын экология мәсьәләләренә җәлеп итү һәм аларда әйләнә-тирә мохиткә җаваплы мөнәсәбәт тәрбияләү. Катнашу балаларны уен формалары һәм кызыклы биремнәр аша экологик тәртип нигезләре белән таныштырырга мөмкинлек бирәчәк.
Конкурста башлангыч сыйныф укытучылары, китапханәчеләр, экоактивистлар һәм волонтерлар, шулай ук коммерциячел булмаган оешмалар вәкилләре катнаша ала.
Конкурс ике номинациядә уздырыла:
«Экомәгърифәтче» - төрле сыйныфларда һәм мәктәпләрдә дәресләр үткәрүче активистлар өчен индивидуаль зачет.
«Экомәктәп» - мәктәпләр өчен төркемле зачет, анда төрле сыйныфларда берничә педагог дәресләр үткәрә.
Конкурска кушылу өчен, дәрес материалларын (сценарий һәм презентация) түбәндәге сылтама буенча күчереп алыгыз: https://disk.yandex.ru/d/QV4jllUK_X9JlQ.
Аннары 2025 елның сентябрь ахырына кадәр, «Рекс-Пекс-Экоквест» мобиль кушымтасын кулланып, дәрес үткәрегез. Нәтиҗәләрне хисапның махсус формасын тутырып теркәгез: https://docs.google.com/forms/d/e/1FAIpQLSejddjW0OGrLlyKdLDdLGobeZGncz9qYBJQQRYK3AqTN7IRDQ/viewform, анда сезнең номинацияне, шәхси мәгълүматларны, мәктәпне, сыйныфны күрсәтеп һәм дәрес процессының фотографиясен беркетергә кирәк.
Җиңүчеләрне киләчәктә белем бирү эшчәнлеге өчен файдалы җыелмалар көтә.
2025 елның 15 октябреннән дә соңга калмыйча конкурска йомгак ясалачак һәм проектның һәм оешманың ВКонтакте төркемнәрендә халык алдында тәкъдим ителәчәк.
Үткәрүнең җентекле шартлары, бәяләү критерийлары һәм приз фонды булган конкурс турында нигезләмә: https://disk.yandex.ru/i/sb8zVJw4s0tEyg.
Экологик тәрбия идеяләрен хуплагыз һәм «Экологик иминлек» илкүләм проектына ярдәм йөзеннән балаларыбызның аңлы киләчәген формалаштыруда актив катнашыгыз.