Табигатькә мәхәббәт балачактан килә! Экологлар табигатьтә үз-үзеңне тоту кагыйдәләре турында сөйләделәр
Идел аръягы идарәсе инспекторлары Кама Тамагы штп. «Солнышко» 2 нче балалар бакчасында экология дәресе үткәрделәр. Балалар табигатьтә үз-үзеңне тоту кагыйдәләре белән таныштылар, әйләнә-тирә мохиткә сакчыл карауның һәм республикабызның табигый байлыкларын саклауның ни өчен мөһим булуын белделәр.
Аларга белемнәрен ныгытырга танып белү мультфильмы ярдәм итте. Балалар чүпләргә, үсемлекләрне өзәргә һәм урманда учаклар кабызырга ярамаганын аңладылар. Ә Татарстан флорасы һәм фаунасы белән танышу өчен балалар викторинада катнаштылар һәм табышмакларга җаваплар таптылар. Хәзер алар сирәк очрый торган үсемлекләр һәм хайваннарның нинди кыяфәттә булуын беләләр, ә иң мөһиме туган як турында кайгыртырга кирәклеген аңлыйлар.
Экодәрес азагында балалар Министрлыктан истәлекле бүләкләр – төсле һәм буйый торган китаплар алдылар.
Мондый чаралар балаларга әйләнә-тирә дөньяга җаваплы, яшьтән үк табигатькә сакчыл караш тәрбияләргә булыша, бу исә «Экологик иминлек» илкүләм проектының максатларына ирешергә ярдәм итә.