Экология министры Александр Шадриков «Экологик иминлек» илкүләм проекты турында сөйләде
Бүген А.И.Щеповских исемендәге XX Бөтенроссия фәнни-гамәли конференциясе кысаларында «Экологик баланс стратегиясе: табигатьне саклау өлкәсендәге агымдагы казанышлар һәм перспектив бурычлар» дигән пленар утырыш узды.
Утырышның модераторы ТР экология министры Александр Шадриков булды. Ул «Экологик иминлек» яңа илкүләм проекты ярдәмендә Татарстанда Мәләкәсне чистарту буенча эшләрнең икенче этабы башлануы һәм Ноксаны экосавыктыруның планлаштырылуы турында сөйләде.
«2025 елдан Чаллыда Мәләкәс елгасының 3,1 км озынлыктагы икенче участогын чистарту эшләре башланды. Шулай ук Казан өчен әһәмиятле тагын бер елганы – 28 км озынлыктагы Ноксаны тулы масштаблы экосавыктыру планлаштырыла», – дип билгеләде министр.
Моннан тыш, Татарстан Республикасында Татарстан Республикасы Экология министрлыгы һәм Рус география җәмгыятенең Татарстан бүлекчәсенең «Ирекле агым» сынау проектының өченче этабы дәвам итә, ул Казансу елгасын экологик тернәкләндерүгә юнәлдерелгән. Ул Татарстан Республикасы Рәисе Рөстәм Нургали улы Миңнеханов ярдәме белән гамәлгә ашырыла.
Александр Шадриков шулай ук ел саен «Россия суы» акциясендә катнашучы халыкның активлыгын билгеләп үтте. Татарстан Республикасы дүртенче ел регионнар арасында елгалар һәм күлләрнең ярларын чистарту буенча лидерлык позициясен саклап кала.