Экологлар Алабуга районының Костенеево авыл җирлеге территориясен тикшерделәр

2025 елның 25 июле, җомга

Кама-2 бакчачылык ширкәтендә экологлар җирле халык ярдәме белән  рөхсәтсез калдыклар туплау урынын ачыкладылар. Гражданнар хәбәр иткәнчә, Экология министрлыгының Кама буе территориаль идарәсе инспекторлары 76 кв.м мәйданлы чүплек таптылар, күләме 38 куб.м тәшкил итә.

Алабуга районы Костенеево авыл җирлеге башкарма комитетына табигатьне саклау законнарының мәҗбүри таләпләрен бозмау һәм бозуны бетерү кирәклеге турында кисәтү җибәрелде.