Иң яхшылар: иртәгә "Экояз 2025" республика конкурсында җиңүчеләрнең исемнәрен беләчәкбез
10 июньдә Елмай паркында "Экояз 2025" җиңүчеләрен бүләкләү тантанасы була.
Чара экологик бәйрәм форматында узачак: кунакларны күңел ачу программасы, мастер-класслар һәм тантаналы бүләкләү көтә.
Иң яхшы муниципаль берәмлекләр инде үз бүләкләрен алдылар, сишәмбе көнне «Экогаилә», «Экоярдәмче», «Экоберләшмә», «Экокоманда» һәм «Экопартнерлар» номинацияләрендә лидерларны атап үтәрбез.
10 июньдә 11:30 да Елмай паркында очрашабыз. Бергә күңелле вакыт үткәрербез һәм җиңүчеләрне котларбыз!
Исегезгә төшерәбез, «Экояз» республика акциясе 2016 елдан башлап санитар-экологик икеайлык кысаларында ел саен 1 апрельдән 31 майга кадәр уза. Быел «Экояз» тематик марафон форматында узды. Конкурска рекордлы санда гаризалар килде 1089. Конкурсның максаты – халыкның барлык катламнарын табигатьне саклау эшчәнлегенә җәлеп итү, иң яхшы инициативаларны ачыклау һәм «Экологик иминлек» илкүләм проектына ярдәм йөзеннән иң актив катнашучыларны бүләкләү.